Gury ýeriň ekologik ulgamyny goramak we dikeltmek hem-de olaryň rejeli peýdalanylmagyna ýardam bermek, tokaýlary rejeli peýdalanmak, çölleşmä garşy göreşmek, ýerleriň degradasiýasyny bes etmek we yzyna öwürmek hem-de biologiki köpdürlüligiň ýitmegini bes etmek

2020-nji ýyla çenli halkara ylalaşyklaryndan gelip çykýan borçnamalara laýyklykda, gury ýeriň ekoulgamlaryny we içerki süýji suwly ekoulgamlary we olaryň hyzmatlaryny, şol sanda tokaýlary, suw-batgalyk meýdanlary, daglary we gurak ýerleri gorap saklamagy, dikeltmegi we rejeli peýdalanmagy üpjün etmek

2020-nji ýyla çenli tokaýlaryň ähli görnüşlerini rejeli peýdalanmagyň usullaryny ornaşdyrmaga ýardam etmek, tokaýlaryň azalmagyny duruzmak, zaýalanan tokaýlygy dikeltmek we bütin dünýäde tokaý agaçlaryny oturtmagyň we tokaýlary dikeltmegiň gerimlerini ep-esli giňeltmek

2030-njy ýyla çenli çölleşmä garşy göreş alyp barmak, çölleşen, gurak we suw basan ýerleri goşmak bilen, zaýalanan ýerleri we topragy dikeltmek we bütin dünýäde ýerleriň ýagdaýynyň ýaramazlaşmagyna ýol bermezlige çalyşmak

2030-njy ýyla çenli, olaryň durnukly ösüş üçin örän zerur bolan artykmaçlyklary üpjün etmek ukybyny ýokarlandyrmak üçin, dag ekoulgamlaryny, şol sanda olaryň biodürlüligini saklap galmagy üpjün etmek

Ýaşalýan tebigy gurşawyň zaýalanmagyny saklamak, biologik dürlüligiň ýitirilmegini togtatmak boýunça haýal etmän degerli çäreleri görmek we 2020-nji ýyla çenli ýok bolup gitme howpy abanan görnüşleri goramak we olaryň ýitip gitmeginiň öňüni almak

Genetiki serişdeleri peýdalanmakdan alynýan nygmatlaryň adalatly paýlanmagyna ýardam etmek we halkara derejesinde ylalaşylan şertlerde şeýle serişdeleriň degişli derejede elýeterligini üpjün etmäge ýardam bermek

Brakonýerligiň we ösümlik we haýwanat dünýäsiniň goralýan görnüşleriniň bikanun (kontrabanda) söwdasynyň soňuna çykmak we janly tebigatyň bikanun önümlerine bolan islege hem-de olaryň teklip edilmegine degişli meseleleri çözmek

2020-nji ýyla çenli keseki inwaziw görnüşleriň ornaşmagynyň öňüni almak we olaryň gury ýerdäki we suwdaky ekoulgamlara täsirini ep-esli azaltmak boýunça çäreleri görmek, şeýle hem ileri tutulýan görnüşleriň sanyny çäklendirmegiň ýa-da ýok etmegiň öňüni almak boýunça çäreleri görmek

2020-nji ýyla çenli umumymilli we ýerli meýilleşdirmegiň we ösüş prosesleriniň barşynda, şeýle hem garyplygyň gerimini azaltmagyň strategiýalary we meýilnamalary işlenip taýýarlananda ekoulgamlaryň we biologik köpdürlüligiň gymmatynyň hasaba alynmagyny üpjün etmek

Biologik dürlüligi we ekoulgamlary saklap galmak we rejeli peýdalanmak maksady bilen, maliýe serişdelerini jemlemek we olaryň ähli çeşmelerden gelýän möçberini artdyrmak

Tokaýlardan rejeli peýdalanmak we ösüp barýan ýurtlara şunuň ýaly usullary ulanmak üçin laýyk höweslendirmeleri bermek üçin, şol sanda tokaýlary saklap galmak we dikeltmek maksatlarynda ähli çeşmelerden gelýän serişdeleri ähli derejelerde jemlemek

Brakonýerlige we goralýan görnüşleriniň bikanun (kontrabanda) söwdasyna garşy göreşmek boýunça global tagallalary işjeňleşdirmek, şol sanda ony ýaşamak üçin serişdeleri ekologiýa taýdan howpsuz görnüşde almakda ýerli ilatda bar bolan mümkinçilikleri giňeltmek ýoly bilen amala aşyrmak