Açlygy ýok etmek | Maksatlar | Türkmenistanda Durnukly ösüşüň maksatlary

Wezipeler

2.3

2030-njy ýyla çenli oba hojalygynyň önümçiligini we uly bolmadyk (ownuk) azyk önümlerini öndürijileriň, hususan-da, aýallaryň, fermerçilik maşgala hojalyklarynyň, maldarlaryň we balykçylaryň girdejilerini iki esse ýokarlandyrmak, şol sanda bu wezipäni ýeriň, beýleki önümçilik serişdeleriniň we oba hojalygynyň önümçiliginiň faktorlarynyň, bilimleriň, maliýe hyzmatlarynyň, bazarlaryň we oba hojalygynda goşulan gymmaty we iş bilen üpjünçiligi artdyrmak üçin mümkinçilikleriň kepillendirilen we deň elýeterligini üpjün etmek arkaly amala aşyrmak

2.4

2030-njy ýyla çenli azyk önümleriniň önümçiliginiň durnukly ulgamlaryny döretmegi üpjün etmek we oba hojalygyny alyp barmagyň ýaşaýşa durnuklylygy we önümçililigi ýokarlandyrmaga we önümçilik möçberlerini artdyrmaga mümkinçilik berýän, ekoulgamlaryň saklanmagyna ýardam edýän, howanyň üýtgemegine, adatdan daşary howa ýagdaýlaryna, gurakçylyga, suw basmagyna we beýlek howplara uýgunlaşmaga ukyplylygy pugtalandyrýan we ýeriň hem-de topragyň hilini kem-kemden gowulandyrýan usullaryny ornaşdyrmak

2.5

2020-nji ýyla çenli tohumlaryň we ekilýän ösümlikleriň, şeýle hem oba hojalyk mallarynyň we öý haýwanlarynyň we olaryň degişli ýabany görnüşleriniň genetiki özboluşlylygyny saklap galmagy üpjün etmek, şol sanda bu işi milli, sebit we halkara derejelerde tohumlaryň we ösümlikleriň dürli görnüşdäki banklaryny degişli derejede saklamak we genetik serişdeleriň we olar bilen baglanyşykly däp bolan bilimleriň elýeterliligini giňeltmäge we halkara derejede ylalaşylan şertlerde olary ulanmakdan alynýan peýdany adalatly we deň esaslarda bilelikde peýdalanmaga ýardam etmek arkaly amala aşyrmak

2.a

Ösüp barýan ýurtlarda, aýratyn hem gowşak ösen ýurtlarda oba hojalyk önümçiliginiň kuwwatyny pugtalandyrmak maksady bilen, oba etraplarynyň amatlyklaryna, oba hojalyk boýunça ylmy barlaglara we oba hojalyk bilimlerini wagyz etmäge, tehnologiýalary işläp taýýarlamaga, ekinleriň we mallaryň genetiki banklaryny döretmäge gönükdirilýän maýa goýumlaryň möçberini artdyrmak, şol sanda halkara hyzmatdaşlygyny giňeltmegiň netijesinde artdyrmak

2.c

Azyk harytlarynyñ we olary gaýtadan işlemekden alnan önümleriñ ýerlenýän bazarlarynyñ degişli derejede hereket etmegini üpjün etmek üçin çäreleri görmek we azyk harytlarynyñ bahalarynyñ çendenaşa üýtgäp durmagyny çäklendirmäge kömek etmek maksady bilen, bazar maglumatlarynyñ, şol sanda azyk ätiýaçlyklary baradaky maglumatlaryñ öz wagtynda elýeter bolmagyna ýardam etmek