Şäherleriň we ilatly nokatlaryň açyklygyny, howpsuzlygyny, durmuşa ukyplylygyny we ekologiki durnuklylygyny üpjün etmek

2030-njy ýyla çenli, ýeterlik, ygtybarly we elýeterli ýaşaýyş jaýlaryna we esasy hyzmatlara we harabalygy döwrebaplaşdyrmaga ählumumy elýeterliligi üpjün etmek.

2030-njy ýyla çenli ýol hereketiniň howpsuzlygyny ýokarlandyrmagyň, hususan-da, jemgyýetçilik ulagyndan peýdalanmagy giňeltmegiň esasynda, ynjyk ýagdaýdakylaryň, aýallaryň, çagalaryň, maýyplaryň we gartaşan adamlaryň zerurlyklaryna aýratyn üns bermek bilen, hemmeleriň howpsuz, arzan, elýeter we ekologiýa taýdan durnukly ulag ulgamlaryndan peýdalanyp bilmeklerini üpjün etmek.

2030-njy ýyla çenli ähli ýurtlarda giňden gatnaşmagyň esasynda hemmeler üçin açyk we ekologiýa taýdan durnukly urbanizasiýanyň (şäherleşme) gerimlerini we ilatly ýerleri toplumlaýyn we durnukly meýilleşdirmek we olary dolandyrmak üçin mimkinçilikleri giňeltmek

Bütindünýä medeni we tebigy mirasy goramak we saklamak boýunça tagallalary işjeñleşdirmek

2030-njy ýyla çenli ilatyň üpjünçiligini pes we ynjyk toparlaryny goramaga aýratyn üns bermek bilen, betbagtçylyklaryň, aýratyn hem suw bilen baglanyşykly heläkçilikleriň netijesinde aradan çykýanlaryň we zyýan çekýänleriň sanyny düýpli azaltmak we jemi içerki önümiň ýitgileri görnüşindäki göni ykdysady zyýany ep-esli peseltmek

2030-njy ýyla çenli ilatyň jan başyna hasaplanyňda şäherleriň ekologiýa edýän ýaramaz täsirini azaltmak, şol sanda bu işi howanyň hiline we şäher galyndylarynyñ we beýleki galyndylaryñ ýok edilmegine aýratyn üns bermek arkaly amala aşyrmak

2030-njy ýyla çenli howpsuz, elýeter we hemmeler üçin açyk ýaşyl zolaklaryň we jemgyýetçilik ýerleriniň ählumumy, aýratyn hem aýallar we çagalar, gartaşan adamlar we maýyplar üçin elýeterligini üpjün etmek

Milli we sebitleriň ösüşini meýilleşdirmegiň hilini ýokarlandyrmagyň esasynda şäherleriň, şäherýaka etraplaryň we oba etraplarynyň arasynda oňyn ykdysady, durmuş we ekologiýa arabaglanyşyklary saklamak

2030-njy ýyla çenli durmuş päsgelçiliklerini aradan aýyrmaga, serişdeleri peýdalanmagyň netijeliligini ýokarlandyrmaga, howanyň üýtgemeginiň netijelerini ýeňilleşdirmäge, onuň üýtgemegine uýgunlaşmaga gönükdirilen toplumlaýyn strategiýalary we meýilnamalary kabul eden we amala aşyrýan şäherleriň we ilatly ýerleriň sanyny ep-esli köpeltmek we tebigy betbagtçylyklara garşy durmak ukybyny ýokarlandyrmak we tebigy betbagtçylyklary peseltmek boýunça 2015-2030-njy ýyllar üçin Sendaý çarçuwaly maksatnamasyna laýyklykda betbagtçylyklar bilen baglanyşykly töwekgelçilikleri toplumlaýyn dolandyrmak boýunça çäreleri işläp taýýarlamak we ähli derejelerde ornaşdyrmak